Estamos a converternos na madrastra de Blancanieves? Na era Instagram, o noso espello máxico é a pantalla e a beleza ditamínana os likes. Na sala dos espellos, Liv Strömquist pregúntase ata que punto a ditadura da imaxe minou a relación cos nosos corpos.
Sempre aceda e irreverente, a autora lévanos do mito bíblico de Jacob ata os motivos do éxito de influencers como Kylie Jenner ou Kim Kardashian, pasando pola última sesión de fotos de Marilyn Monroe, a obsesión da princesa Sissi polo exercicio físico ou o roubo do busto de Nefertiti.
Strömquist regálanos un libro profundamente documentado no que nos acompañan o seu trazo inimitable e as teorías de Susan Sontag ou Eva Illouz para desentrañar o canon que nos escraviza e tentar atopar algo real entre tanto filtro.