Eric marcha a vivir á outra punta do mundo e Virginia xa asumiu que non volverá velo máis. Pero, na véspera da súa partida, ambos vense subitamente arrastrados ata Stravagantia, un insólito mundo cheo de perigos e poboado de estrañas criaturas, non sempre amigables. Cando Eric é capturado, Virginia comprende que non está disposta a deixalo marchar sen máis. Con todo, se quere rescatalo, deberá asumir o risco de emprender unha viaxe por un territorio cuxas regras descoñece. Por fortuna para ela, contará co apoio de Berk, un fauno que a axudará a mirar cos ollos de Stravagantia... e tamén a descubrir algunhas cousas sobre si mesma.